कृष्णाकाठचा विठ्ठल
वोवाळू आरती सावळ्या हरी | राम राजा विठो उभा कृष्णेच्या तिरी ॥
कृष्णा वेण्या तनु साऱ्या विश्वाच्या माता | ऐक्य भावे पुरी ब्रम्ह आलिया सरीता ॥
सरीता या मिळूनी पदी विष्णूच्या आल्या | नाथ शिव ऋषि सप्त पाहुनीया धाल्या ॥
वोवाळू आरती सावळ्या हरी | राम राजा विठो उभा कृष्णेच्या तिरी ||१||
धालेपण हे भाक मागितली देवा | येथे वसती करा माझ्या जीवीचीया जीवा ॥
जीवाची या जीवा भाक मागितली द्यावी | ब्रीदापायी देवा पतीत पावना पुरवावी ॥
वोवाळू आरती सावळ्या हरी | राम राजा विठो उभा कृष्णेच्या तिरी ||२||
पुरवी दिली भाक आली विठो येती जे | तुकाविप्र पुजी साधू संतांचे पाये ॥
तुकाविप्र पुजी साधू संतांचे पाये | तुकाविप्र पुजी साधू संतांचे पाये ॥
वोवाळू आरती सावळ्या हरी | राम राजा विठो उभा कृष्णेच्या तिरी ||३||